Пејачкот на бендот „Eagles of Death Metal“ Џеси Хјуз наведува дека работниците од обезбедувањето во концертната сала „Батаклан“ веројатно учествувале во масакарот на 13 ноември 2015 година.
Фронтменот на групата на чиј концерт во Париз е изведен терористичкиот напад во кој настрадаа околу 90 луѓе говорел за масакрот за „Фокс бизнис“.
„Кога пристигнав во салата поминав покрај човек кој, се чини, требаше да биде обезбедување на бекстејџот. Не ме ни погледна. Веднаш самиот од организаторот побара да доведе друг човек, но му рекоа дека поедини работници од обезбедувањето уште не се појавиле. Се испостави дека шестмина или повеќе членови од обезбедувањето не се ни појавиле“, изјави Хјуз.
Тој додаде дека „делува очигледно дека имале причина да не се појават“.
Концертната сала „Батаклан“ беше една од метите на нападот на терористите кои се случија на 13 ноември минатата година.
