Миистерството за внатрешни работи и сите останати органи ќе го истражат настанот детално и во најкраток можен рок ќе ги претстават информациите во јавноста. Секој мора да понесе одговорност согласно законите, лице кое сторило ваков тежок прекршок и довело во опасност друго лице не може да раководи со државна институција.
Ова е ставот на Владата кој го соопшти портпаролот Миле Бошњаковски по вчерашната сообраќајка во Кисела Вода, каде директорот на МНТ, актерот Драган Спасов Дац пијан со автомобилот удри девојка, која за среќа поминала со полесни повреди и била пуштена на домашно лекување. Владиниот портпарол не сакаше да каже дали во конкретниот случај Дац ќе биде разрешен, освен тоа дека надлежните детално ќе го истражат настанот. Меѓутоа, од МВР за медиумите веќе потврдија дека првиот човек на МНТ во синоќешната несреќа бил во алкохолизирана состојба
