На една загребчанка викендов нејзиниот iPhone 4S и заѕвонил и експлодирал крај главата откако во текот на ноќта бил вклучен на полнење. претходно телефонот заѕвонил, но бидејќи спиеле сите Љубица споро реагирала и го оставила на ѕвони. Станала и тргнала накај телефонот кога iPhone заѕвонил по втор пат и експлодирал. На телефонот било пукнато стаклото, а звучниците поради експлозијата воопшто не постоеле. Парчиња се разлетале по целата просторија.
Интересно е тоа што и покрај експолозијата телефонот и понатаму работел. Полначот бил неоштетен.
Прво помисливме да не е краток спој, но сите инсталации беа нечепнати, штеќерот во ред, а и надвор беше убаво времето немаше грмење или некоја бура, изјавил сопругот Зоран.
Шок доживеале и кога го однеле од каде што го купиле да им го заменат или сервисираат. Прво ги обвиниле дека лажат и дека телефонот им паднал, а потоа ги известиле дека тој дефект не е под гаранција и поправка ќе ги чини 1600 куни.
Слични случаи на експлозии на телефоните на „Apple“ се случиле повеќе пати во речиси сите делови од светот. Последниот случај беше пријавен во Британија.
