Иако експертите неколку пати навестија дека нема потенцијал за евентуална сеизмична активнот во Косел, сепак екипи од Сеизмолошката опсерваторија при Природно-математичкиот факултет во Скопје и од Дирекцијата за заштита и спасување на Република Македонија, решија дека нема да е на одмет чисто первентивно да се инсталираат сеизмометри кои што ќе ја следат состојбата со сулфатарата во Косел.
Од ПМФ информираа дека ќе ја следат сеизмичноста на ова подрачје во живо, преку интернет, во сеизмолошката опсерваторија во Скопје, каде што ќе можат да бидат евидентирани и најмали движења.
Од Дирекцијата за заштита и спасување на Република Македонија велат дека апаратурата се поставува за да се исклучи било каква опасност.
