Свечена седница за ратификација на Протоколот за пристапување на Македонија во членството во НАТО се одржа денеска во Собранието во присуство на претседатели и претставници на парламенти на земјите од соседството, на македонскиот државен и политички врв, на дипломатскиот кор.
Ратификацијата на Северноатлантскиот договор во собранието беше изгласана со 114 гласови „ЗА„, без ниту еден глас против или воздржани.
Ќе остане недовршена уште ратификацијата во Парламентот на Шпанија, а ратификацијата кај нас ќе има одложено дејство и ќе се активира откако процесот ќе заврши во Мадрид.
