Во 19 часот министерот за здравство Венко Филипче ќе и се обрати на јавноста, најавија од Министерството за здравство, без да споделат повеќе детали.
Најавата за неговото обраќање следува откако претходно во текот на денот оставка поднесе неговиот заменик во Министерството, Илир Хасани. Поради трагичниот настан во Клиничката болница во Тетово оставки во текот на денот поднесоа и директорот на болницата Фљорин Бесими, како и економскиот директор Артан Етеми.
