Потпретседателот на Владата на Србија, Александар Вучиќ, изјави дека неговиот 15-годишен син плаче и постојано зборува дека ќе се убие поради заканите кои ги добива на социјалната мрежа “Фејсбук“.
“Немам зборови со кои би опишал како вчера мојот син кој има 15 години плаче и вика дека ќе се убие поради тоа што го добива на “Фејсбук“ и не знам за што уште друго. И за тоа сум јас виновен? Поради што? Поради тоа што се борев за Србите на Косово и Метохија?“ рекол Вучиќ.
Тој нагласил дека такви пораки никој нема повеќе да му праќа на ниедно дете и дека “бандитската Србија нема да ја победи пристојната Србија“.
Само неколку дена претходно на премиерот на Србија Ивица Дачиќ и на Александар Вучиќ им пристигнале заканувачки пораки, во кои им се вели дека ќе бидат убиени поради договорот со Приштина кој е постигнат во Брисел.
