Претседателот на Србија Александар Вучиќ изјави дека за државата, актот на убиството на Оливер Ивановиќ е терористички чин.
„Овој акт за Србија е терористички и така ќе се однесуваме кон него“, изјави Вучиќ по седницата на Советот за национална безбедност.
Тој рече дека упатиле писмо до органите на УНМИК и ЕУЛЕКС државните органи од Србија да учествуваат во истрагата за убиството.
„Ќе го пронајдеме убиецот или убијците, тоа утрово и го ветив на сопругата на Ивановиќ“, рече Вучиќ.
