Идиличната атмосфера на Хаваи, каде Хајди Клум се одмара со своето семејство и нејзиното момче Мартин Кристен, за момент се претвори во хаос но за среќа добро се заврши.
Додека семејството уживало на плажа седумгодишниот син на супермоделот и двете дадилки, за малку ќе се удавеле, откако ги повлекол огромен бран.
– Толку се исплашив за децата, но и за останатите кога ги поклопи бранот – рекла Хајди, чиј син, сепак, успеал сам да излезе на брегот, додека таа и Мартин им помагале на дадилките.
Хајди Клум има четири деца, Лени (8), Хенри (7), Јохан (6) и Лоу (3).
Entertainment tonight ја донесе приказната и фотографиите од немилиот настан на кои се гледа како Хајди ги извлекува од вода дадилките.
