Премиерот Зоран Заев денеска одржа средба со Помошникот државен секретар за европски прашања на Стејт Департментот на САД, Вес Мичел, по што одржаа заедничка прес-конференција.
– „Ја почнуваме финалната фаза која ќе донесе достоинствено решение за двете страни. Секој документ кој ќе дојде од било која страна а е од помош да се најде решение ќе го поддржиме но тоа ќе оди преку медијаторот Метју Нимиц. Кога е тешко и мачно убаво е да ги повикате пријателите како Соединетите Американски Држави. Очекувам помош од пријателите“, истакна Заев на средбата.
