Лидерот на СДСМ, Зоран Заев, во емисијата „Клик плус“ на ТВ 21, најави дека поради коронавирусот ќе се стопира плаќањето на ратите за кредити за три месеци и оваа мерка ќе се однесува и на фирмите и на граѓаните погодени од коранавирусот.
„Априлската рата и фирмите и граѓаните погодени од кризата ќе можат да ја платат во јули месец и ако требало да ја платат во април, а имаат уште 12 рати кои им завршуват во април 2021 година, сега со тој мораториум кој ќе значи да плаќаат од јули, 12-та рата ќе им заврши во јули 2021 година. Тоа значи дека имаме буквално поместување за три месеци. Во овие 3 месеци и 10 дена ќе се случи и стопирање на сите извршители, ќе има уредба со законска сила. Сега Владата е во вонредна состојба ќе има брзи и ефикасни модалитети“,
истакна Заев.
