Ноќеска 20 минути по полноќ во Дебар и околината е почувствуван земјотрес, кој бил со јачина од 4,2 степени според Рихтеровата скала.
Епицентарот на земјотресот кој ги вознемирил жителите на градот и околните села, бил во пограничниот појас со Албанија на 50 километри од Тирана. а бил почувствуван и во неколку градови во соседна Албанија (Тирана, Пешкопија, Булкиза).
Земјотресот не предизвикал материјални штети
Во изминатите десетина дена во околината на Македонија имаше значителна сеизмичка активност која кулминираше со катастрофалниот земјотрес во Италија во кој загинаа безмалку 300 лица.
