Милена сопругата на лидерот на Граѓанската иницијатива СДП Оливер Ивановиќ, е во шок по ужасната вест дека нејзиниот сопруг подлегнал на повредите. Таа за Пинк порачала на убијците дека ова нема добро да заврши.
– Имам порака за сите оние кои го направија ова, а се знае многу добро кои се, дека ова нема да заврши добро – рекла Милена Ивановиќ.
Непознати напаѓачи утрово околу 8.30 часот пукале кон Оливер Ивановиќ во Косовска Митровица додека влегувал во седиштето на партијата. Тој без знаци на живот е примен во болница во Косовска Митровица.
Ивановиќ во болница е примен во тешка состојба и лекарите пробале се за да се изборат за неговиот живот, но нажалост тој подлегнал на повредите.
Милена Ивановиќ, штом слушнала дека сопругот и е застрелан пристигнала во болницата заедно со братот на Оливер и чекала пред операционата сала да дознае детали за неговата состојба.
Сепак од салата излегла медицинска сестра која соопштила дека Ивановиќ починал, не успеале да го спасат неговиот живот.
