Алијансата за позитивна Македонија денеска ги презентира кандидатските листи за претстојните парламентарни избори кои синоќа ги поднесе до ДИК.
Во првата изборна единица носител на листата е лидерот на партијата Љупчо Зиков, во втората прв е претседателот на главниот одбор Владо Бучковски, а третата изборна единица ја предводи пензионираниот генерал Илија Николовски, кој е претседател на коалициската Партија на обединети пензионери и граѓани на Македонија.
Носител на листа во четворката е Дане Јованов, член на Извршниот одбор, членот на главниот одбор на партијата Игор Камбовски е носител во петата изборна единица, а шестката ја предводи Џевџет Хаљими.
