Заев победи во првиот круг на изборите во Струмица, со прегалсувањето на три места, каде се потврди големата предност пред противкандидатот Васил Пишев.
Струмичани по трет пат изгласаа и му го доверија градоначалничкиот мандат на Зоран Заев.
Се славеше од пред штабот на СДСМ па на градскиот плоштад.
-Моите струмичани потврдија пред сите дека не потклекнуваат на закани и притисоци, дека не трпат вакква диктатура, овој резултат денеска победа со поголема разлика од претходно, победа со повеќе гласови пушта силна порака и кон власта и кон цела Македонија дека не смее никој да дозволи да го погазува судството, да си игра со медиумите да го валка достоинството на нашиот народ, рече Заев по прогласувањето на победата.
