Швајцарија, позната по високиот животен стандард, би можела да го заземе првото место во светот по висина на минимална плата, ако бирачите на референдум го поддржат предлогот минималната заработка месечно да изнесува 4.000 франци (околу 3.300 евра).
Швајцарија засега нема пропишана минимална плата, но 90 отсто од работниците веќе заработуваат повеќе од 4.000 франци месечно.
Заговорниците на воведувањето минимална плата сметаат дека таа мерка ќе им помогне на послабо платените работници бидејќи трошоците на живот во Швајцарија се високи.
