Турканици за рибја чорба во Охрид. Охриѓани во редици и со саати чекаа да наполнат од чорбата која на градското пристаниште се вареше во голем казан.Полнеа во тегли,пластични кутии, тенџериња и потоа носеа дома за ручек.
Оние кои не носеа никаков сад со себе можеа да си купат дрвена чинија по цена од 50 денари. Беа сварени 1,7 тон чорба или нешто повеќе од 6 000 порции, а во чорбата беше употребена риба лосос.
Манифестацијата се организира по повод Денот на рибарите во Охрид. Во водите на Охридското езеро беа фрлени пет буриња со вино, од кои четири со бело и едно буре со црвено вино. Најбрз годинава по бурето со црвено вино беше 20 годишниот Климент Доглев од населбата Кошишта.
Video – NovaTV
