Поддржувачите на Шиповиќ денеска мирно го искажаа својот револт пред Основниот суд – за одлуката тој да биде притворен.
Претседателот на СДСМ, Зоран Заев,понудил и гаранција со имот за Шоповиќ да се брани од слобода и да не биде притворен бидејќи со тоа е доведено во прашање работењето на Советот на општина Центар.
– Му предочивме на судот дека ги нудиме и нашите имоти, станот мој, на Шекеринска и на други членови од СДСМ, сè со крајна цел да добиеме право за бранење од слобода. Шиповиќ се враќа овде убеден, а со него и ние дека е правичен, дека не се огрешил пред законот.Не сакаме амнестија за Шиповиќ, туку согласно законот без какво било мешање во судската власт бараме правичност и правда за секој од притворените и за секој осомничен досега и во иднина – истакна Зоран Заев, претседател на СДСМ.
Мирослав Шиповиќ денеска претпладне требаше да слета во Скопје, но на пат кон Македонија утрово беше уапсен во Виена, по распишана меѓународна потерница.
