Пожар бил подметнат рано утринава во угостителскиот објект „Катана“ лоциран на улицата „Мите Поп Јорданов“ во скопско Козле.
Од полицијата денес информираат дека сопственикот на кафеаната околу 3:20 часот пријавил пожар во неговиот угостителски објект.
Противпожарни екипи веднаш излегле на лице место и го изгаснале пожарот од кој изгореле телевизор, дел од тенда и пластична решетка. Од снимките од видео надзорот било утврдено дека непознато лице фрла шише со запалива течност кон објектот.
Полицијата извршила увид на местото и трага по сторителот со цел расчистување на случајот.
