Индонезиските власти објавиле дека бројот на жртви на големиот земјотрес и цунамито во градот Палу на островот Сулавези пораснал на 384 луѓе, како и дека стотина луѓе биле повредени илјадници домови биле отштетни или уништени.
Портпаролот на владината агенција за вонредни состојби, Сутопо Пурво Нугрохо, за “AP” нагласува дека станува збор исклучиво за бројот на жртви на самиот остров Палу, а дека земјотресот и цунамито погодиле ва града и неколку населби на Сулавези.
Нугрохо рекол дека исчезнале стотици луѓе, кои учествувале на локалниот фестивал кој се одржувал на плажа и додал дека меѓу исчезнатите има танчери и забавувачи од фестивалот.
“Reuters” претходно објавил дека на брегот кај Палу биле пронајдени бројни човечки тела.
https://youtu.be/4k9uo3uWIVQ
Се наведува дека во текот на ова утро продолжиле силните дополнителни потреси во овој крајбрежен град кој живее од туризам, по ударот на бранови повисоки од 3 метри кои биле предизвикани од вчерашниот земјотрес од 7,5 степени според Рихтер.
“Многу тела се пронајдени крај брегот по цунамто, но точниот број на жртви не е познат”, вели портпаролот на индонезиската владина агенција за вонредни ситуации, Сутопо Пурво Нугрохо.
Индонезиските власти уште немаат информации од градот Донгала, кој бил блиску до епицентарот на земјотресот, на 27 километри од него. Во Донгала и Палу живеат повеќе од 600.000 луѓе.
Тоа подрачје вчера прво било погодено од послаб земјотрес во кој настрадало едно лице и повредни биле најмалку десет.
