49 повредени од превртениот авобус на ЈСП. Само тројца од нив се задржани во болница а останатите се пуштени на домашно лекување. Жена со контузија на глава и маж со скршен пршлен се хоспитализирани во градската хируршка клиника Свети наум Охридски, пишува Сител.
Пациент со скршен нос е на Клиниката за уво нос и грло. Утрово во градската хируршка бил вистински метеж. Таму лекарска помош побарале 30 со контузии по телото. На Ургентен завршиле 14 повредени патници.
Петмина од патниците биле пренесени и во Градската болница 8-ми септември. Имале само набиеници по телото. Дваесетина од повредените биле пренесени до здравствените установи со 4 возила на Брза Помош. Дел и со приватни автомобили заминале на лекар.
