Петгодишно момче во Северна Ирска во Киндер јајце пронашло непријатно изненадување.
Наместо да пронајде некаква играчка која доаѓа како изненадување, момчето во жолтото јајце пронашло опојна дрога кристал мет/метамфетамин, наркотик кој предизвикува зависност.
За среќа, неговиот татко бил во близина, и веднаш реагирал и ја отстранил опасноста од детето, а случајот го пријавил во полиција.
– За содржината која ја пронајдвоме во пластичниот дел од Киндер јајцето веруваме дека е метамфетамин. Овој инцидент не загрижува, особено поради тоа што детето дошло во непосреден контакт со такво нешто – изјавил Колин Шоу.
Локалните власти изјавиле дека голема среќа што не ја проголтало оваа содржина, а таткото на детето ги предупредил сите родители да ја контролираат содржината на Киндер јајцата кои ги консумираат нивните деца.
