Кон крајот на август месец или најдоцна во почетокот на септември трговскиот центар Сити Мол во Карпош ќе наплаќа за користењето на паркинг-просторот. Оваа одлука ја потврдуваат од трговскиот центар, од каде што посочуваат дека се уште не е утврдено колку ќе изнесува цената за паркирањето.
– Новото паркинг решение ќе стартува со функционирање кон крајот на август-почетокот на септември месец. Тарифникот се уште не одреден, но може да кажеме дека ќе бидеме еден од најевтините паркинзи во градот.Со цел да се задоволат потребите на потрошувачите, ќе се воведе ново паркинг решение кое ќе придонесе со подобра организираност на паркинг просторот, но и со намалување на времето потрошено за паркирање на возилото на нашите потрошувачи, истакнуваат од таму.
Паркингот во Сити Мол е еден од најполните паркинзи особено за време на викендите кога граѓаните одат на шопинг. Она што е олеснително во цела ситуација за оние што не сакаат да трошат пари и за паркирање е што на територијата на Општина Карпош не се наплатува паркинг, па може да се снајдат во близина се разбира само да не им пречат на локалните жители. Засега бесплатен паркингот останува само во трговскиот “Капитол”.
