Легендата на рок-музиката Мик Џегер пак стана татко во 73-тата година, соопшти неговата агентка.
На Џегер ова му е осмо дете, овојпат од врската со 29-годишната балерина Мелани Хамрик. Пејачот веќе има седум деца од поранешнените бракови и врски, пет внуци, а во мај 2014 година стана прадедо. Децата ги има со Марша Хант, Бјанка Џегер, Џери Хол и Луциана Гименез Морад.
– Синот на Мелани Хамрик и Мик Џегер се роди денеска во Њујорк. Мик беше покрај Мелани во текот на породувањето. Мајката и детето се добро и од медиумите бараат да ја почитуваат нивната приватност – соопштила долгогодишната агентка на легендарниот бенд „Ролинг стоунс“ Фран Куртис.
Медиумите пишуваат дека Мик и Мелани ја започнале врската пред две години, по самоубиството на неговата претходна девојка Л’Врен Скот, која му беше партнерка 13 години.
„Ролинг стоунс“ неодамна издадо нов албум под називот „Blue & Lonsome“.
