Новата студија потврдува дека микропластиката завршува во човечкиот организам односно во цревата и изметот.
Испитаниците консумирале храна која била спакувана во пластика, риба и морски плодови, а студијата покажала дека кај сите осум лица била забележана присутност на пластика во изметот, во просек 20 честички микропластика на 10 грама измет.
Одамна е утврдено дека пластиката од морето и океаните доаѓа во човековото тело преку рибите и морските плодови, но микропластиката во прехранбениот ланец доаѓа и по друг пат, бидејќи таа е присутна и во текот на бербата, производството и пакувањето на прехранбените производи.
