Лошото време што беснее во Европа овие денови однесе шест животи во Италија, додека во Хрватска едно лице е исчезнато.
Бурите, дождот, силните ветришта, високите плими создадоа вистински хаос. Сепак, во Италија беше најлошо, особено во Венеција, каде што водата достигна рекордно ниво. Беа поплавени ресторани и станови, а поради невремето се затворија многу училишта.
На плоштадот на Свети Марко не можеше да се пристапи неколку часа, па многу туристи одлучија да одат низ водата што беше над нивните колена.
Освен во Венеција, алармантна состојба беше прогласена речиси во цела Италија: црвена тревога во северниот дел (Лигурија, Ломбардија, Венето, Фриули и Трентино) и во Абруцо, и портокалова на добар дел од остатокот на полуостровот и во Сицилија.
Девет лица загинаа, а едно се смета за исчезнато по невремето. Во невремето се уништени голем број патишта во земјата и поплавени се неколку градови и населени места. Повредени десетици лица, меѓу кои и неколкумина пожарникари.
Италијанските спасувачки служби соопштија дека вчера биле регистрирани околу 7.000 инциденти, на кои одговориле околу 5.800 пожарникари.
Поголемиот дел од северна Италија и денеска се под закана, откако два дена беснееше бура, со налети на ветрот до 180 километри на час.
Од друга страна, на Алпите во северниот дел на Италија вчера осамна висока снежна покривка. Бура има и во Хрватска, во областа на Савудрија исчезнаа во понеделникот попладне двајца млади луѓе кои отидоа на сурфање и покрај предупредувањата за невремето.
Според ХРТ, пронајден е жив еден од младите луѓе, хрватски државјанин, кој успеал сам да исплива на брегот. За момчето од Словенија, потрагата ќе продолжи и денес, кога ќе дозволат временските услови.
Пет лица ги загубиле своите животи, а едно се води како исчезнато во невремето што ја погодило Италија.
Две лица загинале кога дрво паднало на автомобил во кој се се наоѓале на пат јужно од Рим, соопштил Црвен крст.
Во местото Терачино во близина на Рим едно лице загинало а друго се здобило со тешки повреди кога дрво паднало на автомобил во движење, додека едно момче го загубило животот во градот Сан Никола ла Страда, во близина на Неапол, кога на него паднал бор додека минувал.
Во Савона на пат кон болница загинале жена која била тешко повредена од предмет кој го носел ветерот.
Менаџер на еден турски сајт исчезнал откако невремето ја уништило едрилицата во која се наоѓал.
Како што се наведува, во шест региони во Италија е прогласен црвен метеоаларм поради ветрови и обилни дождови, а најзагрозени се Ломбардија, Венето, Лигурија и Абруцо, каде јачината ветерот достигнува 100 километри на час.
Во многу градови, вклучувајќи ги Рим и Неапол, сопрена била наставата.
Секторот за цивилна заштита на градот Рим ги предупредил граѓаните да го ограничат движењето поради лошите временски услови, наведувајќи дека во наредните часови времето веројатно ќе се влоши.
Во Милано биле повредени две лица, кога на нив паднале гранки дрво, додека во Рим паднало едно стебло и оштетило автомобил.
Во италијанската престолнина отежната е и работата на метрото и железничките линии кон морскиот брег Остија.
Едно време поради одрон бил сопрен сообраќајот на автопатот кон границата на Италија со Австрија.
Ширум Италија пожарникарите интервенирале 1.600 пати, од што 700 во Тоскана, 6000 во Лацио и 200 во Венето и Лигурија.
Поради невремето затворени биле археолошките наоѓалишта во Помпеа, Рим и Херкуланем.
Иако нивото на морето во Венеција многу пораснало и речиси 75 проценти од градот е под вода, железничкиот сообраќај во Венеција и остатокот од земјата засега функционира нормално, наведува италијанската агенција.
