Само неколку часа откако амбасадорите на САД, Германија, Франција, Британија и Италија во Приштина побараа косовските власти да ги укинат царините на српските производи, косовската влада соопшти дека одлуката за царините од 100 отсто ја проширува и врз сите производи излезени од погоните на странските компании во Србија.
Ова практично значи дека на Косово, од денеска, без плаќање на зголемените даноци, нема да може да влезе ниту еден вид стока произведена во Србија.
