Редок природен феномен што овие денови може да се види по должината на брегот на езерото Мичиген привлече големо внимание на американската јавност.
Имено, стотици топки од мраз, од кои некои тежат над 20 килограми, се појавија на плажите на езерото.
– Температурата на водата во езерото е нешто пониска од температурата на смрзнување, така што на површината доаѓа до создавање на парчиња мраз, кои, под удар на брановите, стануваат се поголеми и поголеми, појасни метеорологот Џо Шарлвоа.
Експертите наведуваат дека ова не е ретка појава и оти вакви природни феномени се случуваат на секои десет години.
