Руските медиуми јавуваат дека е во тек голем странски хакерски напад врз Северна Кореја, но не соопштуваат од каде е тргнат и кој го организирал, пренесува Дневник.хр.
Познато е дека на Корејскиот полуостров владее голема напнатост, а од Северна Кореја пристигна веста за целосна блокада на Интернетот. Иако, освен луѓето од самиот врв на режимот, ретко кон во оваа излорирана држава има можност да сурфа, серијата страници кои се наоѓаа на домејнот .кп досега и онака пвренствено служеа како пропаганден апарат кон „надворешниот свет“, пред се кон Јужна Кореја, а потоа и кон остатокот на планетата, пренесува хрватскиот портал.
Руските медиуми јавија дека е во тек голем странски хакерски напад, но не се прецизираа од каде тргнал, кој го организирал, ниту што властите во Пјонгјанг прават за да го спречат.
Дописникот на „Гласот на Америка“ од Сеул, Стив Херман, на својот профил на Твитер напиша дека е урнат целиот домејн .кп, и дека блокадата трае веќе два дена.
Како што се наведува, утринава дел од страниците се вратени на мрежата, но набрзо повторно паднале.
Страниците на службената агенција КЦНА, чии сервери се лоцирани во Јапонија и се наоѓаат на јапонски домејн, функционираат нормално, иако вестите последен пат беа освежени вчера.
