Багчејсери се луѓе кои што доброволно пристапуваат да се заразат од ХИВ, со желба да припаднат на групата, или да се спротистават на хетеросексуалните норми.
Американската асоцијација на луѓето со ХИВ, велат дека некои пристапуваат да бидат заразени, за да ги користат некои од бенефициите наменети за ваквата група.
Во американскиот сленг, инфицираните со вирусот, кои се подготвени да го пренесат на другите, се нарекува „gift givers“ (давачи на поклон).
„Сакам да бидам дел од тимот, сите имате само јас немам“, зборува низ смеа Даг Хицел, еден од момците кој од неодамна бил ХИВ позитивен.
На оваа тема се зборува во американскиот документарен филм „The Gift“ (Поклон), во кој еден од актерите прави споредба со самоубиство.
„Тоа е како да се става пиштол во уста“, Страшно – вели тој.
Истражувањата кои се занимавале со мотиви поради кои луѓето свесно се заразувале со ХИВ, дале неверојатни резултати. Поголемиот дел од „багчејсерите“, сметаат дека на крајот ќе бидат инфицирани и дека вирусот е неизбежен.
Лекарите ова го оценуваат како шокантно, одвратно и мазохистички. Доктор Дејвид Московиц во последното истражување направено на над 284 лица, кои доброволно се заразиле, дошол до заклучок дека луѓето со овие параметри имаат тенденција и садо-мазохистички активности.
„Јас многу го сакам чувството на возбуда, а последиците кои се предизвикани од истата, лесно се контролираат со лекови“, вели еден од заразените.
На оваа тема главно може да се најдат забелешки на интернет, затоа што истата се уште е табу за јавна расправа. Ова малцинство, како и секое друго, бара почитување од својот слободен избор и начин на живот, а со тоа, исто така, отвора многу проблематична дискусија. Како излез од овој тренд, може да се види промовирање на двојки, во кои едниот партнер останува негативен. Од друга страна, модерната наука, најавува откривање на ХИВ лекови во блиска иднина.
