Потребно:
1,5 кг брашно
1 јајце
2 л вода
100 мл масло за јадење
малку сол
Подготовка:
– Во еден сад ставете ги брашното и водата и изматете ги со миксер. Треба да добиете каша слична на кашата за палачинки.
– При матењето додадете го јајцето и посолете.
– Земете округла тепсија и намачкајте ја убаво со масло. Над маслото ставете од кашата со брашно (потенок слој) и рамномерно распоредете ја по дното на тавата.
– Вака подготвената тепсија ставете ја во претходно загреана рерна (доколку немате вршник) на 200 целзиусови степени и печете ја кората додека не поцрвени. Бидете во близина на рерната да внимавате да не ви изгори кората.
– Откако ќе поцрвени кората извадете ја тавата од рерна. Над печената кора ставете масло и повторно слој од кашата со брашно. Повторувајте ја истата постапка се додека не ја потрошите целата каша.
– Кога ќе биде готово ѓомлезето извадете ја тавата од рерна и оставете малку да се излади.
– Пред служење исечете го ѓомлезето на ромбови.
