Водата во пластично шише е се е популарен пијалак, затоа што лесно се носи во чанта или едноставно во рака.
Но, водата во пластично шише сепак не е добар избор. Зошто? Најновото германско истражување покажува дека само во едно пластично шише постојат дури 24.520 илјади хемикалии. Некои од тие хемикалии особено се опасни за човечкиот организам, пишува списанието PLoS One, каде се објавени резултатите од истражувањето. Најголемиот дел од испитаната вода имале огромни количинаи на опасниот DEHF (2-etilheksil fumarat) кој го менува хормоналниот состав на телото.
Научниците анализирале 18 различни примероци вода кои можат да се купат во Франција, Италија и Германија. После серија сложени анализи, откриле дека поголемиот дел од водата во шишето содржат разни хемикалии, поточно дури 24.520 различни хемикалии. Воочено е дека во водата се наоѓаат и хормони кои можат да ја нарушат човечката хормонална рамнотежа.
Уште повознемирувачки е што нашле дека постои и некоја хемикалија која спречува детекција на штетните хемикалии или компбинација од нив, а се уште не се знае што е.
Научниците порачуваат дека присуството на хемикалии не значи нужно дека конзументите ќе развијат тешки опасни болести, но истакнуваат дека сепак станува збор за многу вознемирувачки откритија. Особено загрижуваат хормоните кои можат да влијаат на репродуктивниот систем кај жените, особено во помладата возраст.
– Прерано е да се донесуваат некои конкретни заклучоци како сите хемикалии влијаат на здравјето. Потребни се дополнителни истражувања. Но, сигурно можеме да речеме дека водата во шишиња не дејствува благотворно на човечкото здравје, истакна Брус Блумберг од Универзитетот Калифорнија – Ирвин.
