Полицијата го обезбедува Музејот на Македонија од каде недостасуваат вкупно 166 предмети со непроценлива вредност и се врши детален попис на сите предмети.
„МВР врз основа на судска наредба го обезбеди Музејот заради утврдување на фактичката состојба која се однесува на бројот и видот на предмети кои се наоѓаат во Музејот, поради сомневања кои ги имавме во веродостојноста на податоците кои од таму ни беа доставени во вид на попис”, рече Јанкуловска.
Со овој попис треба да се утврди фактичката состојба на Музејот откако два пати се зголеми бројот на украдени предмети од Музејот.
