Покрај очигледниот недостаток на спиење, кој доаѓа по кавга, општата состојба на врската може да се одрази и на сонот на партнерите.
Паровите се посклони да заспиваат заедно, ако жената е задоволна од бракот, покажува најновото истражување. Резултатите покажуваат дека синхронизирањето во заспивањето и будење меѓу паровите е високо, ако оние кои спијат во иста постела, се будни или спијат заедно во околу 75% од времето. Ако жената е задоволна од бракот, процентот од времето кога паровите се будни или спијат, е повисок.
“Многу од она што се знае за спиењето, е врз основа на истражување на индивидуално ниво. Повеќето луѓе го делат сонот со партнерот”, вели Хедер Ган, раководител на истражувањето на Универзитетот во Питсбург, САД. ”Начинот на кој паровите спијат заедно, може да влијае или може да биде под влијание на статусот на нивната врска”, додава таа.
Во истражувањето учество земале 46 парови кои пополниле прашалници за нивниот однос. Објективни податоци за спиењето се добиени и со актиграфија во тек на 10 дена.
“Сонот на брачните двојки е синхронизиран на минути во споредба со обичните индивидуи. Ова укажува дека спиењето ни се определува не само од тоа кога спиеме, но и со кого спиеме”, вели Ган.
