Агенцијата за вработување ќе објави оглас за сите заинтересирани кои ќе сакаат да се обучат за плетење, шиење или везење.
– На ваков начин ќе им овозможиме соодветен вид образование, да добијат сертификат дека можат да бидат самостојни во плетење, везење и шиење и подоцна да бидат успешни бизнисмени – рече директорот на Агенцијата Влатко Попоски.
Фирма за машински и рачнo плетени парчиња облека која ги извезува своите производи и надвор од Македонија е еден од бизнисите реализирани со помош на кредит за самовработување од Агенцијата за вработување
– Ова е бизнис во кој се вложува многу мака, но на крај се исплатува. Нашиот корисник е успешен бизнисмен кој веќе година и пол опстојува на пазарот и ги пласира своите производи. Ова е активност која изумира полека. Ние, сакаме да ги вратиме занаетите на картата на постоечки бизниси, бидејќи се повеќе и повеќе има туристи во Македонија и тие сакаат да земат некое парче кое ја означува Република Мкаедонија, традицијата, историјата – рече директорот на Агенцијата Влатко Поповски.
