По средбите со граѓани во Долнени, Крушево и Пласница, лидерот на ДУИ и носител на кандидатската листа за пратеници во Изборната единица 6 Али Ахмети вечерва имаше средба со симпатизерите на партијата во Охрид каде го отвори новиот партиски штаб.
ДУИ имаше голема поддршка на локалното население од Лабуништа, а почитта се враќа со почит, така што на овие избори носител на листата на партијата е Адем Шаќири токму од Лабуништа, кој ќе ги застапува интересите на сите заедници кои не поддржуваат. Националностите кои немаат правен статус, со нашата поддршка ќе го добијат своето место во Уставот, онака како што се чувствуваат, со право на образование, јазик и култура“ изјави Ахмети.
Ахмети повика на обединување на Албанците, Бошњаците, Турците и Египќаните во оние средини каде не се во голем број за на тој начин, како што рече, да се изборат за остварување на своите интереси на локално и централно ниво
Во врска со агендата на ДУИ за идниот мандат, истакна дека ќе се работи на затворање на отворените прашања што го спречуваат напредокот на државата, како што е прашањето за името.
Ахмети го посочи зачленувањето на државата во НАТО и ЕУ како заеднички интерес на сите, Албанците, Македонците, Ромите, Турците, а за уредувањето на односите во регионот истакна дека е потребен искусен дипломатски кадар, каков што, рече, има ДУИ.
„Победата на изборите ќе ја обезбедиме со нашата програма од 2014 година зашто во неа се вметнати проекти за подобрување на животот на сите граѓани: изградба на автопатиштата, нови образовни установи, отворање фабрики за нови вработувања. Приоритет и преднсот ќе имаат домашните компании и стопанственици“, истакна лидерот на ДУИ.
