Американските научници од Универзитетот Вермонт откриле дека луѓето со посветла боја на очите се под поголем ризик да станат зависни од алкохол.
Најголем ризик имало кај луѓето со сини очи, а најмал ризик за алкохолизам е забележан кај личностите со потемни очи.
Арвис Суливари и Да-веј Ли, генетичари од Универзитетот во Вермонт, анализирале 1.263 луѓе со светла боја на кожата во врска со зависноста од алкохол и откриле дека луѓето со посветли очи, имаат поголема сколност кон претерано консумирање на алкохол.
Стручеаците објаснуваат дека гените кои ја контролираат бојата на очите се сместени на ист хромозом како и гените кои се поврзани со зависноста од алкохол.
Една студија од 2000 година покажала дека жените кои пијат, а имаат посветли очи имаат поголеми шанси да станат зависници од алкохол. Поранешните истражувања покажале дека синооките луѓе имаат и помала толеранција на болка.
