Група навивачи од Косово предводена од поранешниот припадник на УЧК, Алберт Кастрати тргна кон Белград за да ја поддржи Албанија на вечерашниот натпревар со Србија.
Албанските медиуми се повикуваат на изјава на Кастрати кој тврди дека вегол во Србија. Тој на својот Фејсбук профил објави слика од граничниот премин Прешево.
Тамошните медиуми наведуваат дека навивачите се веќе тргнати или се во Белград и дека имаат набавено влезници за дуелот со Србија. Кастрати тврди дека и покрај тоа што заминувањето на Албанците е забрането, ден дел од навивачката „Плисат“ веќе заминала за Белград, додавајќи дека ако на останатите навивачи им се забрани влез постои план Б, но не сакал да говори за него.
Како што пишува српски Телеграф, во ФСС се удираат по глава бидејќи не можат да го спречат доаѓањето на Албанците од Косово, кое пак се очекуваат во голем број, и покрај забраната на УЕФА за присуство на гостински навивачи. Причина, српскиот пасош кој го поседуваат Албанците од Косово.
-Срби, тука сме- е само еден од коментарите на навивачите објавен на Фејсбук покрај фотографиите со кои сакаат да покажат дека веќе се пристигнати во Белград.
