На добитникот на годинешната награда на МИМ за истражувачка сторија, новинарот Бојан Стојановски, менаџментот на телевизија Алфа денеска му го прекинала договорот, односно му дала отказ.
Образложението на менаџментот за отпуштениот новинар било дека причините се економски и имало превработеност, пишува Либертас.
Бојан е инаку новинарот кој оваа година доби новинарска награда. Сторијата на Бојан беше за партиски вработувања.
Од Алфа пред десетина денови, како што објави Либертас, отказ доби новинарот Владимир Мирчевски, кој одбил во извештај да ја нападне опозицијата, во кој според него, воопшто темата нити била за власт и опозиција туку за лустрацијата на Божин Павловски.
Либертас
