И ова се случило, Американец заборавил да го врати автомобилот кој го земал на рент-а-кар. Според информациите на полциијата, СВР Скопје поднесе кривична пријава против 42- годишен А.К од Њујорк, САД, поради постоење основи на сомнение за сторено кривично дело „затајување“.
Пријавениот на 21.11.2017 година во 10 часот и 30 минути, од приватно рент-а-кар претпријатие од Скопје изнајмил возило „Мерцедес Е 220“ за период од 21.11.2017 година, до 10.00 часот на 24.11.2017 година, при што како гаранција во договорот навел кредитна картичка American Expres со важност до 07.2021 година.
До 24.12.2017 година, А.К. не го вратил возилото со што се стекнал со противправна имотна корист од околу 3.100.000 денари.
