Српската пејачка Ана Николиќ конечно го изговори судбоносното „да“, на својот избраник, раперот Стефан Ѓуриќ Раста!
Двојката тајно се венчала во општината Вождовац, Белград, а невестата за кума ја одбрала другарката и модна креаторка Тијана Тодоровиќ, пишува српски „Блиц“.
За оваа прилика се одлучила за тесен, долг, бел фустан, а младоженецот облекол црн костум, но сепак, останал доследен на својот стил и облекол патики.
Откако оствари огромен успех со својот последен албум „Лабилна“ на кој работел нејзиниот новопечен сопруг, Ана го доживеа и најрадосниот ден во животот.
