Авион на турската компанија „Туркиш ерлајнс“ евакуиран е денеска пред полетување од Истанбул кон канадскиот град Торонто, откако во еден од тоалетите на леталото била пронајдена сомнителна порака.
Екипажот на авионот на летот ТК-17 пронашол порака „Бомба за Торонто“, напишана со големи букви на ѕидот од тоалетот.
Авионот бил веднаш вратен на делот од аеродромот предвиден за паркирање и потоа е евакуиран.
Авиокомпанијата наведе дека моментно се вршат безбедносни процедури во леталото и проверка на патниците.
