Европската комисија конечно ја донесе долго најавуваната одлука за укинување на роаминг тарифите во земјите од Европската унија која ќе стапи на сила од наредната година.
Со овие измени ќе се воведат идентични цени за телефонски повици, пораки и мобилен интернет во сите 27 земји членки на унијата, а сите корисници без оглед во која држава престојуваат ќе плаќаат исто како и дома.
Ова сепак не се однесува и на земјите вон ЕУ, но корист ќе имаат сите бидејќи се водат преговори и со останатите земји, меѓу кои и Република Македонија за намалување на роаминг тарифите и прближување на сите земји кон еден европски телекомуникациски пазар.
