Бездомник на суд си ја врати спортската добивка која му ја украле пријатели


Насмеаното лице на 54-годишниот Франтишек Вацлавек ја покажува неговата среќа од судската одлука која потврдува дека добивката на спортска прогноза од 1,1 милион евра е негова.

sportskaНеговите двајца пријатели, кои пред четири години со измама му ги одзеле парите, се осудени на 5-годишна затворска казна, јави дописникот на МИА од Прага.

– Среќен сум што ја добив пресудата. За парите ќе си купам стан и ќе патувам, никогаш не сум бил подалеку од Германија, изјави Вацлавек, кој целиот свој живот го минал како бездомник.

Според пресудата, Мирослав Шошка (29) и неговата девојка Јана Черна (35) во 2010 година ја искористиле наивноста на нивниот познаник Франтишек, кој според судските експерти е на ментално ниво на шестгодишно дете и со неговото спортско ливче ја подигнале високата добивка.

Со дел од парите купиле автомобил и голема куќа со базен каде една година живееле заедно со Франтишек, кој се додека не го избркале мислел дека се во негова сопственост.

Обвинетите тврдат дека целата приказна е добро смислена и дека Франтишек воопшто не е наивен и ментално заостанат.

Тие тврдат дека на Франтишек секоја недела му давале пари и ливче кое тој за нив го уплаќал, па следствено и добивката е нивна.

Одлуката на судот не е правосилна и е сосема различна од пресудата во претходната првостепена постапка кога Франтишек не успеа да докаже дека парите од кладилницата се негови.

Share Button
MK News

Автор инфо

No comments yet.

Остави коментар

UA-33057274-1