Имено, човекот по име Дон Милисав Хуан Гонзалез Брзи барал жена со која би го споделил “неговото огромно богатство”. Таа мора да биде паметна, но и телесно надарена, се со цел да се “трансформира во вистинска принцеза”.
Тој позирал во “руската верзија на Версај”, опколен со злато, крзно и кич, но всушност, сето тоа е лажно.
Марина Галперина, новинарка од “Animal New York”, навлегла многу подлабоко во приказната за овој лажен човек – “богатиот српски ерген” всушност е исландски водич на мрачен култ!
Неговото име е Вилхем Улфар Вихелмсон, а самиот си го додал и презимето Романов и Распутин и моментално тој живее во Латвија.
Како што може да се види на неговите фотографии на Фејсбук профилот, некогашниот урнебесен “младоженец” е забележливо послаб и има долга бела коса, се со цел да се вклопи во култот кој своевремено го смислил, а сега истиот го предводи.
Култот “Вечен живот” е фаталистичка и религиска организација со прилично непознато дејство, а Галперина изјавила дека веројатно станува збор за секта која што ја слави белата раса.
Вилхелмсон тврди дека неговата мајка е руската војвотка Анастазија Николајева Романова, која што била симната од тронот во 1918 година.
Името со кое што тој се служи како водич на “Вечниот живот” е Улфар, а култот го негува верувањето наречено “улфаризам”, односно дека “секој има право да живее засекогаш”. Неговата книга за улферизмот била достапна на истоимена интернет страница, меѓутоа истата повеќе не постои. .
