Британецот Дојл Болинџер (57), кој работи како болничар, е уапсен во својот дом во Кантербери во југоисточна Англија под сомнение за учество во канибалски заговор.
Полицијата цели 15 часа го испрашуваше Болинџер, а изврши и детален претрес на неговата куќа, трагајќи по докази и евентуално закопани трупови.
Тој тврди дека е невин и дека ништо лошо нема направено, но болницата во која работи го суспендира откако беше осомничен од полицијата и кога во неговиот стан беа откриени фотографии со насилство врз деца. Апсењето на овој Британец е поврзано со процесот што се води во Њујорк против американскиот полицаец Џилберто Вали (фото), обвинет дека изел две жени. Полицијата во Кантербери сега се сомнева дека соговорник на Вали на интернет можеби е болничарот Болинџер.
Најдени се емеил пораки во кои тие си разменуваат рецепти за човечко месо. Истрагата е во тек
