Браќата Калид и Брахим Ел Бакрауи се двајцата бомбаши-самоубици то вчера наутро се саморазнесоа со експлозив на Националниот аеродром Завентем во Брисел во кој 14 лица го загубија животот, а 100 се повредени, јави утринава националната франкофонска телевизија „РТБФ“.
Како што јавува дописникот на МИА од Брисел, Браќата Ел Бакрауи се од Брисел, а истите заедно со третиот осомничен што во последен момент го соблекол елекот со бомби и побегнал од аеродромот и по бого интензивно се трага, пристигнале на аеродромот со такси-возило, што го потврдил и возаот на истото кој е сега клучен сведок. Токму таксистот и ги одвел белгиските истражни органи во бриселската населба Скарбек, каде терористите се качиле во таксито, а каде белгиската полиција подоцна во стан пронајде уште една бомба и знаме на т.н. „Исламска држава“.
Според ТВ „РТБФ“, браќата Калид и Брхаим Ел Бакрауи и биле од претходно познати на полицијата за организиран криминал, но досега тие не биле обвинети или осомничени за акт на тероризам. Според истрагата, еден од браќата, Калид, под лажен идентитет изнајмил стна на улицата „Ру де Дри“ во населбата Форест во Брисел каде минатата недела беше уапсен еден од најбараните светски терористи, Салах Абдеслам, кој директно учествуваше во терористичките нашади што во неомври минатата година се случија во Париз, Франција.
Инаку, изминатата ноќ во Брисел беше мирна, а белгиската полиција интензивно трагаше по можни осомничени што наводно имаат намера да извршат нови терористички напади. Проблематичните бриселски населби Моленбек-Сен Жан, Андерлехт и Скарбек беа мета на темелни претреси, но утринава нема информација за нови уапсени, освен за едно лице што во текот на вчерашнито ден беше уапсено во Скарбек.
Од денеска во целото Кралство Белгија почнува тридневната жалост за вкупно 31 загинат и 230 повредени од двата симултани терористички напади на аеродромто Завентем и во метрото на метро-станицата Малбек во европската област во Брисел.
