Градоначалникот на Општина Чаир Изет Меџити ќе ги избрише маркичките за новите згради во делот помеѓу улиците Ќемал Сејфула и Павле Илиќ за да не се сече постоечкото зеленило.
– За жал, и покрај заемната желба не успеавме да ги елиминираме преостанатите две маркички, бидејќи за нив веќе беа завршени сите процедури – изјави претседателот на иницијативниот одбор, Бујар Идризи.
Општината пресметала дека со бришењето на маркичките таа ќе изгуби околу 5 милиони евра на име комуналии. Како компензација за тоа што до нивните згради ќе се градат две нови згради, станарите ќе можат да сметаат дека ќе добијат нови фасади, лифтови и други поволности, најави градоначалникот.
