Во недела на 16 август нема да се користат неколку автобуски стојалишта поради изведување на градежни работи од страна на Градежниот институт Македонија АД Скопје, соопшти Град Скопје.
Станува збор за следниве автобуски стојалишта: пред ТЦ „Сити мол“ во правец од Центар кон Ѓорче Петров во период од 08 до 09.30 часот, кај Градска болница во правец од Тутунски комбинат кон Центар во период од 10 до 11.30 часот, пред спортска сала Автокоманда и терминал на автобуска линија бр.2 во правец од Автокоманда кон Центар во период од 12 до 13.30 часот и пред Шумарски факултет во правец од Автокоманда кон Центар во период од 14 до 15.30 часот.
