За време на празниците во сите скопски поликлиники ќе има дежурни служби кои 24 часа ќе бидат достапни за граѓаните, информираат од Здравствен дом Скопје.
Лекарите предупредуваат деновиве да се внимава и со исхраната и со алкохолот.
– По велигденските пости треба да се внимава да не се јаде обилно мрсна храна и да се внимава со конзумирањето на алкохолни пијалоци – велат лекарите
Граѓаните за лекарска помош ќе може да се обратат и во службата за Брза помош и на Ало докторе, а вообичаено дежурни екипи има и на скопските клиники, во ГОБ „8 септември“ и старата градска болница.
